Tvillingarnir

Við skötuhjú erum frekar gleymin, get ég sagt ykkur. Ég var búin að biðja hann Gunnar minn í gær að setja inn nokkrar myndir á bloggið svo þið getið nú séð hvað ég er orðin feit af börnum. En af því ég gleymdi að minna hann á það aftur um kvöldið þá gleymdi hann því. Svo það er ekki hægt að segja annað en að við séum soldið gleymin gömul hjú. Annars er bara allt fínt að frétta af okkur. Bumban stækkar bara og stækkar og ég er ekkert ósátt við það ennþá allavega:) Talið við mig aftur eftir mánuð hehe.

Það er skoðun í næstu viku nánar tiltekið 27 júní klukkan 14:00. fyrst er sónar og svo mæðraskoðun. Það verður gaman að sjá hvað þau eru orðin stór blessuð börnin. Ég skil ekki hvernig fólk fer að þegar það er bara sónar einu sinni til tvisvar á meðgöngu, ég á bara erfitt með að bíða þennan mánuð sem líður á milli hjá okkur. Okkur finnst þetta algjört æði og rifnum alltaf úr stolti þegar við sjáum þessu fjörugu börn sína listir sínar fyrir okkur. Ég er loksins farin að finna fyrir hreyfingum eða á ég kannski frekar að segja að ég sé farin að fatta hvenar þetta eru hreyfingar. Samdráttarverkir hafa verið að koma og fara síðustu daga og er bara rólegt í dag miðað við gærdaginn. Þá fann ég fyrir þeim nánast í hvert skipti sem ég stóð upp. Svo auðvitað hringdi Brynja í mömmu sína, sem kann nú soldi á þetta (eða allavega ætti að gera það eftir 8 meðgöngur 🙂 )  og hún sagði mér bara að slaka á sem ég gerði og nú er ég miklu betri. Ekki það að þetta hafi verið neinir verkir þannig séð en herpingur fyrir því.

En nóg í bili ég ætla svo að minna karlinn aftur á að setja inn myndirnar, því hann er nú einu sinni tæknimaðurinn á þessari síðu og ég greinilega ritarinn. 🙂

Annaðhvort borða ég allt of mikið af eggjum eða þá er þetta einhverskonar sign (merki) til mín, því þrisvar á stuttum tíma hef ég fengið tvær rauður í einu eggi. Eitt um daginn og tvö í dag. Mér þykir þetta merkilegt því ekki er það vanalegt að ég fái svona egg og tel ég því víst að þetta sé merki um það að börnin mín séu pottþétt eineggja. Spáið í því, svona er maður þá látin vita af hlutunum, í gegnum fæðuna. : ) Annars er bara allt gott að frétta af okkur, ég lít reyndar út eins og Rúdólfur með rauða nefið eftir gærdaginn en það var svo gott veður og mikil sól að ég brann pínku á nebbanum : ) en það er bara fyndið. Heilsan er góð, börnin ekkert farin að láta vita neitt af sér en ég finn að ég er farin að vera soldið þreytt á kvöldin en það er bara eðlilegt.

Já það eru komnar 18 vikur í dag og allt gengur einsog í sögu. Það er komin smá bumba á mína og spenningurinn verður alltaf meiri og meiri þegar þetta fer að verða svona sýnilegt. Þá getur maður strokið mallann sinn og fundið að það er eitthvað þarna inni sem er að stækka. Ég er ekki bara orðin svona feit hehe. Ég byrjaði í meðgöngusundi á mánudaginn og er það bara mjög fínt. Mér fannst soldið fyndið að vera þarna fyrsta daginn í kringum kasóléttar konur sem voru sumar komnar frammyfir og svo kom ég þarna með mín tvö og varla kúlu og hafði ekkert fyrir þessum æfingum, nánast hljóp um í lauginni á meðan hinar kjöguðu þarna í rólegheitunum. En í seinni tímanum í vikunni, núna á miðvikudaginn, þá var þetta aðeins erfiðara. Ég er nebla með svo mikla stækkunarverki ( ef kalla má það) og var öll svo  stíf í kviðnum og með smá verki þannig að ég féll bara vel inn í hópinn þann daginn og mun líklega gera það hér eftir en við sjáum til.